ໃນຊີວິດປະຈໍາວັນຂອງຊາວພຸດ ສ່ວນຫຼາຍຈະບໍ່ເຂົ້າໃຈ ແນວທາງແທ້ຈິງ ແລະ ຈຸດປະສົງ ແມ່ນສິ່ງທີ່ຕົນຄວນເຄົາລົບນັບຖື ສູງສຸດແມ່ນຫຍັງ ຍັງບໍ່ຮູ້ ຫຼື ບໍ່ແນ່ໃຈ
ແຕ່ສິ່ງທີ່ຊາວພຸດ ຄວນເຄົາລົບສູງສຸດ ແມ່ນເຮົາເອີ້ນວ່າ ພຣະລັດຕະນະໄຕ, ຄໍາວ່າພຣະລັດຕະນະໄຕ ແມ່ນຫມາຍເຖິງແກ້ວ 3 ປະການ ປະກອບມີ ພຣະພຸດ(ພະພຸດທະເຈົ້າ), ພຣະທຳ(ຄໍາສອນຂອງພະພຸດທະເຈົ້າ ຫຼື ແນວຫຼັກທຳຄໍາສອນຕ່າໆ) ແລະ ພຣະສົງ(ພະສົງ ສາມາເນນ) ແລະ ນອກເໜືອຈາກນັ້ນ ພະພຸດທະເຈົ້າໃຫ້ຊາວບອກສອນໃຫ້ເຊື່ອຖືເລື່ອງ "ກັມ",ຫຼື "ກຳ"
 |
ຮູບພາບກາງທຳມະຈັກ ເປັນສັນຍາລັກທາງພຸດທະສາສນາ
ຂອບໃຈພາບຈາກອິນເຕີເນັດ |
ຄໍາວ່າ "
ກັມ" ຫຼື "
ກຳ" ໝາຍເຖິງການກະທຳ ການເຮັດ ແຕ່ຍັງບໍ່ມີຄວາມໝາຍວ່າດີ ຫຼື ຊົ່ວ ແຕ່ເມືອໃດເຮົາເຮັດດີ ເອີ້ນວ່າ ກຳດີ ຫຼື ກຸສົນ ແລະ ເມືອໃດເຮັດຊົ່ວເອີ້ນວ່າ ກຳຊົ່ວ ຫຼື ອະກຸສົນ ດັ່ງຄໍາສຸພາສິດຊາວພຸດທີ່ກ່າວວ່າ "ເຮັດດີໄດ້ດີ ເຮັດຊົ່ວໄດ້ຊົ່ວ", ສະນັ້ນ; ຜົນທຸກຢ່າງມັນຈຶ່ງເປັນມາຈາກການກະທຳຂອງເຮົາ ເປັນຫຼັກ ເປັນຕົ້ນ ເປັນຕໍ ບໍ່ແມ່ນມີຜູ້ດົນບັນດານ ເສກສັນໃຫ້ ບໍ່ແມ່ນການລໍຄອຍ ຖ້າໃຜມາມອບໃຫ້ ແຕ່ເຮົາຕ້ອງມີຄວາມມຸ້ງມານະ ອົດທົນ ເຮັດສ້າງເອງຫຼາຍໆ ຄໍາສອນນີ້ຍັງເປັນຈິງ ແລະ ພິສູດໄດ້ຕລອດເວລາ ບໍ່ມີໃຜສາມາດລົ້ມລ້າງໄດ້
ໃຫ້ເຊື່ອ ສັດທາ ຂໍ ແຕ່ຕ້ອງເອົາການກະທຳຂອງຕົນນໍາໜ້າສະເໝີ -
ພຸດທະສາດ
